რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
21.02.2019


ქვემო ქართლში სახელმწიფო რწმუნებულის ადმინისტრაციის ინიციატივით, რუსთავში სამეცნიერო-პრაქტიკული კონფერენცია, სახელწოდებით - ,,ქვემო ქართლის ტურისტული პოტენციალი“ გაიმართა.

კონფერენციას რუსთავის მერი ირაკლი ტაბაღუა, პარლამენტში რუსთავის მაჟორიტარი დეპუტატი გიორგი ბეგაძე, რეგიონის მუნიციპალიტეტების ხელმძღვანელი პირები, ცენტრალური და ადგილობრივი ხელისუფლების, აკადემიური წრეების, ტურისტული კომპანიებისა და მედიის წარმომადგენლები ესწრებოდნენ.

ღონისძიების სტუმრებს, სიტყვით ქვემო ქართლში სახელმწიფო რწმუნებულმა შოთა რეხვიაშვილმა მიმართა. გუბერნატორმა რეგიონის ტურისტულ პოტენციალზე, ასევე, მუნიციპალიტეტებში შესაბამისი ინფრასტრუქტურის მოწესრიგების მიზნით განხორციელებულ, მიმდინარე და დაგეგმილ პროექტებზე ისაუბრა.

შოთა რეხვიაშვილის განცხადებით, ქვემო ქართლის რეგიონში ტურიზმის პოპულარიზაციის მიზნით, აქტიური საინფორმაციო კამპანია იგეგმება, ამის პარალელურად აქტიურად მიმდინარეობს შესაბამისი ტურისტული ინფრასტრუქტურის მოწყობა.

კონფერენციის მონაწილეებმა დამსწრე საზოგადოებას დეტალური ინფორმაცია გააცნეს ქვემო ქართლის რეგიონის ტურისტული ღირსშესანიშნაობების თაობაზე. თემატური პრეზენტაციები წარადგინეს: რუსთავის ისტორიული მუზეუმის დირექტორმა, არქეოლოგმა ნაზი პაჭიკაშვილმა, ალგეთის ეროვნული პარკის ადმინისტრაციის წარმომადგენელმა სალომე კობაიძემ, საქართველოს უნივერსიტეტის არქეოლოგიის კათედრის ხელმძღვანელმა პროფესორმა დავით ბერიკაშვილმა, „დმანისის მუზეუმ-ნაკრძალის“ მმართველმა გოჩა კილაძემ, დმანისის არქეოლოგიური ექსპედიციის ყოფილმა ხელმძღვანელმა, ისტორიის მეცნიერებათა დოქტორმა, პროფესორმა ჯუმბერ კოპალიანმა, ეროვნული მუზეუმის არქეოლოგიური კოლექციების მთავარმა კურატორმა, იმირის გორის ექსპედიციის ხელმძღვანელმა მინდია ჯალაბაძემ.

ორგანიზატორების განცხადებით, კონფერენცია მიზნად ისახავდა ქვემო ქართლის რეგიონში, ტურიზმის სფეროს განვითარების ხელშეწყობასა და არსებული პოტენციალის პოპულარიზაციას.

ქვემო ქართლში სახელმწიფო რწმუნებულის ადმინისტრაციის ინიციატივით, გასულ წელს ტურისტული ფორუმი ჩატარდა, მოეწყო მედიატური, ადმინისტრაცია მხარდამჭერია ყველა იმ მნიშვნელოვანი ინიციატივების, რომლებიც მუნიციპალიტეტებში სამთავრობო და კერძო სექტორის ჩართულობით, ტურიზმის სფეროს განვითარების მიზნით იგეგმება და ხორციელდება.


  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა
  • რუსთავში სამეცნიერო-პრაქტიკული კონფერენცია - ,,ქვემო ქართლის ტურისტული პოტენციალი“ გაიმართა

KVEMO KARTLI REGIONAL DEVELOPMENT AGENCY
© 2017

სახელწოდება: ა(ა)იპ "ქვემო ქართლის რეგიონული განვითარების სააგენტო"
იურიდიული მისამართი: ქ. რუსთავი, კოსტავას გამზ. #1
ხელმძღვანელი პირი: აღმასრულებელი დირექტორი მიხეილ ღურწკაია
საიდენტიფიკაციო ნომერი: 416301978
ტელეფონი: +995 577 20 55 30
ელ.ფოსტა: info@kkrda.ge