თეთრიწყაროს მუნიციპალიტეტის მერი გიორგი ქორიძე, ზედამხედველობის სამსახურის უფროს ნიკოლოზ სულხანიშვილთან ერთად თეთრიწყაროს მუნიციპალიტეტის სოფელ ასურეთში, რუსთაველის ქუჩაზე მიმდინარე სარეაბილიტაციო სამუშაოებს გაეცნო.
„პროექტის ფარგლებში განხორციელდა საავტომობილო გზის და მიმდებარე 2 ჩიხის მოასფალტება, სანიაღვრე სამკუთხა ბეტონის კიუვეტების მოწყობა და ქვიშა-ხრეშოვანი ნარევით გზის ნაპირების მოხრეშვა.
ახლად რეაბილიტირებული ინფრასტრუქტურით ისარგებლებს 300-მდე პირდაპირი და არაპირდაპირი ბენეფიციარი.
პროექტი ხორციელდება საქართველოს რეგიონებში განსახორციელებელი პროექტების ფონდის დაფინანსებით და სამუშაოების ღირებულება ხელშეკრულებით შეადგენს 314 000,01 (სამას თოთხმეტი ათას და 01 თეთრს) ლარს“, - ნათქვამია თეთრიწყაროს მერიის მიერ გავრცელებულ ინფორმაციაში.
KVEMO KARTLI REGIONAL DEVELOPMENT AGENCY
© 2017
