შოთა რეხვიაშვილმა რეგიონში საქართველოს პრეზიდენტს უმასპინძლა
20.03.2019


ქვემო ქართლში სახელმწიფო რწმუნებულმა, შოთა რეხვიაშვილმა, რეგიონში საქართველოს პრეზიდენტს უმასპინძლა. სალომე ზურაბიშვილმა ვიზიტის ფარგლებში, პირველი შეხვედრა მარნეულში ადგილობრივი ხელისუფლების წარმომადგენლებთან გამართა. შეხვედრის მიმდინარეობისას, შოთა რეხვიაშვილმა, სალომე ზურაბიშვილს, რეგიონში არსებული ეკონომიკური, კულტურული და ტურისტული პოტენციალი გააცნო და სამომავლოდ განსახორციელებელ გეგმებზე ესაუბრა. ყურადღება გამახვილდა ეთნიკური უმცირესობებისთვის სახელმწიფო ენის სწავლების ხელშეწყობაზე და ინტეგრაციის აუცილებლობაზე. მარნეულში სტუმრად მყოფი პრეზიდენტი, ზურაბ ჟვანიას სახელობის სახელმწიფო ადმინისტრირების სკოლის რეგიონულ ცენტრს და თამარისის საჯარო სკოლას ეწვია, სადაც სკოლის მოსწავლეებსა და მასწავლებლებს გაესაუბრა. ასევე მოინახულა დამია-გეურარხში და აზიზქენდში სახელმწიფოს ხელშეწყობით გახსნილი და თანამედროვე სტანდარტებით აღჭურვილი სასათბურე მეურნეობები. სალომე ზურაბიშვილი, ქვემო ქართლში სახელმწიფო რწმუნებულთან ერთად იმყოფებოდა ბოლნისის ახლადაშენებულ მუზეუმში, სადაც ამ ეტაპზე კოლექციების მისაღებად საჭირო ინვენტარით აღჭურვა მიმდინარეობს. საქართველოს პრეზიდენტი მუნიციპალიტეტში კულტურისა და საგანმანათლებლო დაწესებულებების წარმომადგენლებსაც შეხვდა და სფეროში არსებული საჭიროებების შესახებ ინფორმაცია, პირადად მათგან მოისმინა. ცენტრალური და ადგილობრივი ხელისუფლების წარმომადგენლებმა, დღის განმავლობაში, ეკომიგრანტი ქალების მიერ შექმნილი ძის გადამამუშავებელი კოოპერატივი ,,დისველი“ მოინახულეს და ადგილზე საწარმოო პროცესს გაეცნენ. აღსანიშნავია, რომ პრეზიდენტის სტუმრობის მიზანი, წინასაარჩევნო დაპირების შესაბამისად, საქართველოს რეგიონების პოტენციალის გაცნობა და განვითარების მხარდაჭერაა. 


  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა
  • შოთა რეხვიაშვილმა რეგიონში საქართველოს პრეზიდენტს უმასპინძლა

KVEMO KARTLI REGIONAL DEVELOPMENT AGENCY
© 2017

მისამართი: ქ. რუსთავი, კოსტავას #1
ტელეფონი: +995 341 25 56 05
ელ.ფოსტა: info@kkrda.ge