ქვემო ქართლში სახელმწიფო რწმუნებულის ადმინისტრაციაში სამხარეო-საკონსულტაციო საბჭოს მორიგი სხდომა გაიმართა, რომელსაც ტრადიციულად, მხარის პირველი პირი, შოთა რეხვიაშვილი უძღვებოდა.
საბჭოს წევრებმა, სამუშაო ფორმატის ფარგლებში, ქვემო ქართლის რეგიონული განვითარების სტრატეგიის 2019-2021 წლების სამოქმედო გეგმის შესახებ იმსჯელეს.
როგორც შოთა რეხვიაშვილმა განაცხადა, ინფრასტრუქტურული პროექტების დაგეგმვა-განხორციელების თვალსაზრისით, რეგიონი ქვეყნის მასშტაბით მოწინავე პოზიციაზეა, რაც მუნიციპალიტეტებში ახალი პროექტების განხორციელების დამატებით შესაძლებლობას ქმნის.
,,საზოგადოებას პერიოდულად, ვაყენებთ საქმის კურსში და ინფორმაციას ვაწვდით 2019 წელს განსახორციელებელ პროექტებთან დაკავშირებით. დღეს, ჩვენი შეკრების მიზეზია გარკვეულწილად შევაჯამოთ მიმდინარე პროექტები, რადგან, გვქონდა გამოწვევა, პირველ მაისამდე 75%-ზე მეტი მაჩვენებლით ვყოფილიყავით მზად იმ პროექტების დასაკონტრაქტებლად რომელიც წელს უნდა განხორციელებულიყო. ზოგიერთ მუნიციპალიტეტში სამუშაოები უკვე 98-100%-ით შესრულდა და შედეგად ქვეყნის მასშტაბით, ერთ-ერთ მოწინავე პოზიციაზე ვართ. შესაბამისად, გვაქვს ყველა პირობა იმისა, რომ გვქონდეს ამბიცია მივიღოთ დამატებითი ფინანსური რესურსი მუნიციპალიტეტებში ახალი პროექტების განსახორციელებლად“-განაცხადა ქვემო ქართლში სახელმწიფო რწმუნებულმა, შოთა რეხვიაშვილმა.
KVEMO KARTLI REGIONAL DEVELOPMENT AGENCY
© 2017
