ქვემო ქართლის რეგიონული განვითარების სააგენტოსა და ირლანდია-საქართველოს სავაჭრო პალატას შორის გაფორმებული ურთიერთთანამშრომლობის მემორანდუმის ფარგლებში ირლანდია-საქართველოს სავაჭრო პალატის საზოგადოებასთან ურთიერთობის და საქველმოქმედო დეპარტამენტის უფროსი თეკლა გუგეშაშვილი ქვემო ქართლის რეგიონული განვითარების სააგენტოსა და ადგილობრივი თვითმმართველობის წარმომადგენლებთან ერთად გარდაბნის რაიონის სოფელ გამარჯვების ჭიდაობის სპორტულ სკოლას ეწვივნენ. სტუმრობის მიზანი ახალგაზრდა სპორტსმენების მხარდაჭერაა. ირლანდია-საქართველოს სავაჭრო პალატამ სკოლის წარმატებულ სპორტსმენს თავისუფალ ჭიდაობაში ნიკოლოზ წიკლაურს წახალისების მიზნით 1200 ლარი გადასცა. ირლანდია-საქართველოს სავაჭრო პალატა წარმატებული სპორტსმენების დაფინანსებას მომავალშიც გააგრძელებს.
KVEMO KARTLI REGIONAL DEVELOPMENT AGENCY
© 2017
