მარნეულის მუნიციპალიტეტს ირანის რესპუბლიკის, ზანჯანის მხარის კოოპერატივთა პალატის წევრები სტუმრობენ, ვიზიტის ფარგლებში, დელეგაციის წევრები, მარნეულის მუნიციპალიტეტის გამგებელს მერაბ თოფჩიშვილს, ქვემო ქართლის რეგიონული განვითარების სააგენტოს დირექტორის მოადგილეს ნუგზარ სალიას და ადგილობრივი ხელისუფლების სხვა წარმომადგენლებს შეხვდნენ. მარნეულში მათი სტუმრობის მიზანს მუნიციპალიტეტის ეკონომიკური (სამეწარმეო და სამეურნეო) პოტენციალის გაცნობა წარმოადგენდა. დელეგაციის შემადგენლობაში ეკონომიკის სხვადასხვა დარგის, მათშორის პლასტსმასის, ტყვიისა და თუთიის კონცენტრატის, ტექნიკური მარილის, სამედიცინო ინვენტარის, მედიკამენტებისა და თევზის მწარმოებლები და ექსპორტიორები იყვნენ.
დელეგაციის წევრებმა ვიზიტის ფარგლებში მარნეულის საჯარო ბიბლიოთეკა, სასურსათო ქარხანა და სოფელ კაჩაგანში არსებული კაკლის მეურნეობა მოინახულეს
KVEMO KARTLI REGIONAL DEVELOPMENT AGENCY
© 2017
