აზერბაიჯანის რესპუბლიკის ყოფილი პრეზიდენტისა და აზერბაიჯანელი ხალხის ეროვნული ლიდერის, ჰეიდარ ალიევის გარდაცვალებიდან 14-ე წლისთავთან დაკავშირებით, აზერბაიჯანის რესპუბლიკის საგანგებო და სრულუფლებიანმა ელჩმა საქართველოში დურსუნ ჰასანოვმა, ქვემო ქართლში სახელმწიფო რწმუნებულ-გუბერნატორმა გრიგოლ ნემსაძემ, სამხარეო ადმინისტრაციის, რუსთავისა და მარნეულის მუნიციპალიტეტების ხელმძღვანელ პირებთან, დიპლომატიური მისიისა და აზერბაიჯანის რესპუბლიკის სახელმწიფო ნავთობკომპანიის წარმომადგენლებთან ერთად, გვირგვინებით შეამკეს ყოფილი პრეზიდენტის ძეგლი და პატივი მიაგეს მის ხსოვნას.
ჰეიდარ ალიევს დიდი წვლილი მიუძღვის საქართველოსა და აზერბაიჯანს შორის მეგობრული ურთიერთობების ჩამოყალიბებაში. მან უდიდესი როლი ითამაშა როგორც აზერბაიჯანის წარმატებაში პოლიტიკურ არენაზე, ისე ორ ქვეყანას შორის სავაჭრო-ეკონომიკური კავშირების გაძლიერებასა და გაღრმავებაში. ჰეიდარ ალიევი 10 წლის განმავლობაში იყო მეზობელი ქვეყნის ხელისუფლების სათავეში. ის 2003 წლის 12 დეკემბერს, 80 წლის ასაკში გარდაიცვალა.
KVEMO KARTLI REGIONAL DEVELOPMENT AGENCY
© 2017