ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით და ქვემო ქართლის გუბერნიის ინიციატივით, ტურისტული ფორუმი გაიმართა, სადაც რეგიონის ტურისტული პოტენციალის შესახებ იმსჯელეს.
როგორც ტურიზმის ეროვნული ადმინისტრაციაში აცხადებენ, ფორუმის მიზანია, საერთაშორისო და შიდა ბაზარზე ქვემო ქართლის ტურისტული მიმართულების შესახებ ცნობადობის გაზრდა და ტურისტებისთვის მაღალი ხარისხის მომსახურების შეთავაზება.
აღსანიშნავია, რომ ფორუმის მონაწილეებს სიტყვით მიმართეს საქართველოს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და ქვემო ქართლის მხარის გუბერნატორმა, გრიგოლ ნემსაძემ.
ფორუმის ფარგლებში მოეწყო ალგეთის ეროვნული პარკის პრეზენტაცია, რომელიც ვიზიტორებს მაისიდან უმასპინძლებს, ასევე გაიმართა პრეზენტაცია ქვემო ქართლის მხარის შესახებ და მოეწყო თემატური დისკუსია დაინტერესებული მხარეების ჩართულობით.
თბილისთან ახლოს, ქვემო ქართლში, შესაძლებელია უამრავი ღირსშესანიშნაობის დათვალიერება და სხვადასხვა სახის ტურისტული აქტივობით დაკავება, მათ შორის ღვინის, არქეოლოგიური, კულტურული, აგრო, სათავგადასავლო ტურიზმი და სხვა.
KVEMO KARTLI REGIONAL DEVELOPMENT AGENCY
© 2017
