ქვემო ქართლის სამხარეო ადმინისტრაციაში მოქმედ საკონსულტაციო საბჭოსთან, ინფრასტრუქტურული პროექტების დაგეგმვისა და განხორციელების მიზნით, სამუშაო ჯგუფი შეიქმნა.
როგორც ქვემო ქართლის გუბერნატორმა გრიგოლ ნემსაძემ განაცხადა, სამუშაო ჯგუფს ვიცე-გუბერნატორი ალექსანდე მეტრეველი უხელმძღვანელებს. ჯგუფის წევრები, ქვემო ქართლში განსახორციელებელ ინფრასტრუქტურულ პროექტებზე იმსჯელებენ და აქტიურად მიიღებენ მონაწილეობას პრიორიტეტების განსაზღვრის პროცესში.
სხდომის მიმდინარეობისას, საუბარი შეეხო მიუსაფარ ცხოველთა რეგიონული თავშესაფარის მშენებლობის საკითხსაც. გრიგოლ ნემსაძის განცხადებით, საწყის ეტაპზე, მუნიციპალიტეტებში პრობლემის შესწავლის მიზნით, მონიტორინგი განხორციელდება და შემდგომ უკვე შემუშავდება მიუსაფარ ცხოველთა თავშესაფრის მშენებლობისათვის პროექტი.
KVEMO KARTLI REGIONAL DEVELOPMENT AGENCY
© 2017
